Komisioneri Europian për Zgjerimin, Oliver Varhelyi e konsideron një lajm të shkëlqyer dhe arritje të rëndësishme plotësimin e vakancave në Gjykatës Kushtetuese.
Në reagim, Varhelyi pohon se funksionaliteti i Gjykatës Kushtetuese plotëson listën e kushteve për tryezën e parë ndërqeveritare.
“Lajm i shkëlqyeshëm! Me emërimin e anëtarit të 6-të nga Presidenti Ilir Meta Gjykata Kushtetuese bëhet funksionale. Arritje e rëndësishme për institucionet dhe njerëzit si pjesë e reformës në drejtësi. Kjo plotëson listën e kushteve për tryezën e parë ndërqeveritare.”