Plagosja në Kavajë/ Rama: Lulëzim, bëhu burrë! Autori është militant i PD!

Pasi u publikua video-rrëfimi i autorit të plagosjes së zyrtarit të PD në Kavajë, Ndriçim Jonuzi, reagoi kryeministri Edi Rama.

Duke vënë në dukje faktin se ngjarja nuk ka ndodhur për arsye politike, Rama i bëri thirrje kryedemokratit Lulzim Basha të ndahet nga presidenti Ilir Meta e ish-kryeministri Sali Berisha.

“Është krejt e qartë që ngjarja e Kavajës s’ka asnjë motiv politik! Autori s’ka asnjë lidhje me PS, përkundrazi është militant i PD! PD s’ka faj për ngjarjen, po për politizimin skandaloz! Lulëzim bëhu burrë, ndahu nga Iliri e Saliu, boll bëre kukullën e të paudhëve pa din e iman!”

Vetë autori, nga arratia, pranoi se nuk është mbështetës i PS dhe tregoi sesi ndodhi ngjarja.