Plagosi biznesmenin shkodran, arrestohet 45-vjeçari

Arrestohet 45-vjeçari i dyshuar si autor i plagosjes së biznesmenit pak ditë më parë në Shkodër.

Në pranga përfundoi shtetasi me iniciale A. L., banues në fshatin Berdicë e Madhe.

Me 5 shkurt, autori plagosi në këmbë 60-vjeçarin, Xhevat Vataksi. Ky i fundit njihet në Shkodër për sipërmarrjet në sektorin e ndërtimit dhe hotelerisë.

Gjykata e Shkallës së Parë Shkodër vendosi masën e sigurimit “Arrest në burg” për veprat penale “Vrasja me dashje e mbetur në tentativë” dhe “Armëmbajtja pa leje”.