Kryebashkiaku i Lezhës, Pjerin Ndreu, i cili mbeti jashtë Kryesisë së Partisë Socialiste, falenderoi 166 anëtarët e Asamblesë Socialiste që e votuan për anëtar kryesie.
Teksa thekson se nuk ka bërë asnjë përpjekje për të lobuar për vota, ai shton më tej se të qenit anëtar kryesie nuk ka qenë asnjëherë ambicie për të.
“Një falënderim dhe sqarim! Faleminderit 166 anëtareve të Asamblesë Socialiste që votuan për mua për anëtar kryesie, megjithëse nuk kam bere asnjë përpjekje për të lobuar për vota! Mirënjohje Kryeministrit për nxjerrjen e emrit tim, megjithëse unë nuk dija asgjë se do isha kandidat! Në fund nuk kalova numrin e duhur për të qenë në kryesi! Të qenit anëtar kryesie nuk ka qenë asnjëherë ambicie për mua dhe as se kam menduar. Detyra që kam është parësore dhe tejkalon çdo ambicie tjetër. Angazhimi im është i fokusuar në kryerjen me korrektesë e përkushtim të detyrës së Kryetarit të Bashkisë Lezhë, dhënien e shërbimit të qytetarëve me standarde të larta, dhe ndryshim i realitetit të zymte te asaj zone turistike që duhet çuar para me çdo çmim!”
Mirëpo, këtë postim, të cilin e publikoi në llogarinë e tij në “Facebook”, kryebashkiaku e ka fshirë, duke treguar edhe arsyen.
“U detyrova me e heq statusin sepse shumica nuk lexojne asgje…”, shkroi më vonë Ndreu.
