Një influencer i njohur për përmbajtjet e tij mbi peshkimin sportiv ka përjetuar momente tmerri, pasi u sulmua nga një peshkaqen gjatë një zhytjeje në Fixhi. Henry Gibbs ishte në zhytjen e tij të parë në këtë zonë kur kamera e tij regjistroi të gjithë ngjarjen.
Në pamjet e publikuara, një peshkaqen gri i shkëmbinjve koralorë shihet teksa ngjitet nga thellësia dhe i afrohet me shpejtësi influencerit. Pak çaste më vonë, ai e kafshon në këmbë, ndërsa Gibbs humbet kontrollin e kamerës dhe përpiqet të largohet mes panikut.
Dy zhytës, Colby dhe Dan, ndërhynë menjëherë për ta nxjerrë nga uji. Ata i dhanë ndihmën e parë dhe e transportuan me urgjencë në spital, ku iu nënshtrua trajtimit mjekësor.
Sulmi ndodhi më 18 korrik. Edhe pse arriti ta shpëtojë këmbën, Gibbs iu nënshtrua katër ndërhyrjeve kirurgjikale dhe një transplanti të lëkurës në këmbën e djathtë për shkak të plagëve të rënda.
A fishing content creator filmed himself being attacked by a shark in Fiji — amazingly saying he had “no hard feelings” toward the predator that nearly bit off his leg. #goreyhub follow ( graphic_fight.v2 ) on instagram accounts link on my bio for more daily content video pic.twitter.com/IdBcZW9s8k
— Uncensored•18+ (@Goreyhub) July 27, 2026
Pavarësisht përjetimit të rëndë, influenceri tha se nuk ndien asnjë armiqësi ndaj peshkaqenit. Sipas tij, ai ndodhej në habitatin natyror të kafshës, e cila thjesht po ndiqte instinktin e saj. Ai shtoi se ndihet me fat që mbijetoi dhe se tashmë e vlerëson jetën edhe më shumë.
Gibbs publikoi videon e sulmit për ndjekësit e tij më 24 korrik dhe u bëri thirrje zhytësve të tregojnë kujdes. Ai këshilloi që çdo ndryshim në sjelljen e një peshkaqeni të merret seriozisht, duke rekomanduar ndërprerjen e menjëhershme të zhytjes nëse kafsha shfaq shenja agresiviteti ose bëhet e paparashikueshme. Sipas tij, madhësia e peshkaqenit nuk duhet të jetë kurrë kriter për të nënvlerësuar rrezikun.
/vizionplus.tv
