Donald Trump premton se Anthony Fauci , eksperti i sëmundjeve infektive, i cili ka qenë shumë kritik ndaj Shtëpisë së Bardhë për menaxhimin e pandemisë, do të shkarkohet nga detyra shumë shpejt.
Teksa ndodhej në një takim elektoral në Florida , shumë prej mbështetësve të tij nisën të thërrasin në kor “shkarkoje Faucin”. Dhe reagimi i Presidentit ishte I shpejtë:
“Mos i tregoni askujt, por më lini të pres pak pas zgjedhjeve. Unë e vlerësoj sugjerimin”.
Fauci, në një intervistë për Washington Post , tha se Shtetet e Bashkuara nuk janë në një pozitë të mirë në frontin e luftës kundër Covid, sepse presidenti i drejtohet pandemise duke pare ekonominë ndërsa sipas tij Joe Biden po e shikon pandeminë nga këndvështrimi i duhur, “shëndetësor”.
Intervista me imunologun e famshëm, një anëtar i Task Forcës së Shtëpisë së Bardhë kundër koronavirusit, shkaktoi një reagim shumë të ashpër nga Uashingtoni.
