Pamjet nga kamerat e sigurisë kanë nxjerrë ‘zbuluar’ punonjësin e policisë që aksidentoi një fëmijë të martën në Korçë.

 

Pas përplasje së të mitur efektivi u largua nga vendi i ngjarjes ndërsa si autor i ngjarjes është paraqitur vëllai i tij.

 

 

Marrja përsipër e fajit zgjati vetëm një ditë pasi, pas kqyrjes së kamerave, drejtues i mjetit është provuar vetë efektivi.

 

Drejtoria Rajonale e Agjencisë së Mbikëqyrjes Policore Korçë ka referuar materialet e para hetimore në Prokurorinë Pogradec, si edhe ka bërë shpalljen në kërkim për punonjësin e policies.

 

Drejtoria Rajonale e Agjencisë së Mbikëqyrjes Policore Korçë (ish-SHÇBA) ka referuar materialet e para hetimore në Prokurorinë Pogradec, si edhe ka bërë shpalljen në kërkim për punonjësin e policisë N/komisar A. A., i dyshuar për “Shkelje e rregullave të qarkullimit rrugor” dhe “Largimi nga vendi i aksidentit”, parashikuar nga neni 290 dhe 273 i Kodit Penal.
Nga veprimet e para rezulton se punonjësi i policisë, ditën e djeshme, duke drejtuar automjetin e tij, ka aksidentuar shtetasin e mitur O.S., 13 vjeç, i cili pasi ka marrë mjekim në spitalin Korçë është larguar për në banesë.
Gjithashtu, pas mbërritjes së shërbimeve të policisë në momentet e para të aksidentit, si drejtues i mjetit është paraqitur shtetasi M. A. (vëllai), por nga këqyrja e pamjeve filmike është provuar si drejtues i mjetit, punonjësi i policisë, A.A.
Sa më sipër, pas veprimeve hetimore në konsultim edhe me prokurorin e gatshëm, u referuan materialet në gjendje të lirë për shtetasin M. A., si i dyshuar për kryerjen e veprave penale “Deklarata e rremë para oficerit të policisë gjyqësore” dhe “Veprime që pengojnë zbulimin e së vërtetës”, parashikuar nga neni 301 dhe 305/b të Kodit Penal.

Leave a Reply

Your email address will not be published.