Përplasen dy trena në Bullgari, dy viktima dhe gjashtë të plagosur

Një aksident i rëndë hekurudhor është regjistruar këtë të mërkurë në Bullgari. Si pasojë kanë humbur jetën dy persona dhe janë plagosur gjashtë të tjerë.

Mediat e huaja bëjnë me dije se në aksident janë përfshirë dy trena mallrash, pranë Sofjes Bullgari.

Aksidenti ndodhi rreth orës 16:00 në periferi Kremikovtsi të kryeqytetit bullgar. Lyubomir Nikolov, kreu i departamentit të punëve të brendshme u tha gazetarëve se në bordin e dy trenave ndodheshin në total 8 persona.

Pas përplasjes, në njërin nga dy trenat ka rënë zjarr. Nikollov ka deklaruar se trenat po lëviznin në të njëjtën linjë, ndoshta për shkak të një gabimi në menaxhimin e trafikut.

‼️ Два товарни влака са се сблъскали в участъка между гарите Световрачене и Кремиковци край София.

Пострадали са петима души. Двама души се издирват.https://t.co/mLlPP5xfJ4 pic.twitter.com/kvduHY01YR

— Българска телеграфна агенция (@BTAnewsBG) January 15, 2025