Përmbytjet, shembet Ura e Lugut në Kamëz (video)

Vërshimi i ujrave nga shirat e dendur ka shkaktuar fryrjen e Lumit të Tiranës që solli shembjen e Urës së Lugut, që lidh Kamzën me zonën e njohur si ish nishtulla. Fatmirësisht nuk ka patur viktima apo të lënduar, por lëvizja e banorëve të zonës ka qenë shumë e vështirë, për të mos thënë e pamundur. Ura e Lugut është një rrugë lidhëse për banorët dhe veçanërisht për nxënësit e shkollave. Autoritetet kanë identifikuar problematikën në vendin e ngjarjes dhe po marrin masa për të zgjetur një zgjidhje emergjente.