Zjarri i fuqishëm ka përfshirë fshatin Sasaj. Rreth 50 banesa të këtij fshati ndodhen aktualisht në rrezik të drejtpërdrejtë, pasi flakët po afrohen me shpejtësi drejt zonës së banuar, për shkak të erës së fortë.
Policia ka ndërhyrë menjëherë duke evakuuar banorët, të cilët janë strehuar në qendër të fshatit, larg zonës së rrezikut. Janë rreth 50 banorë që janë nxjerrë nga banesat e tyre për të shmangur çdo rrezik për jetën.
Në terren ndodhen shërbimet e zjarrfikëses dhe forcat e rendit, të cilët po përpiqen të izolojnë flakët, ndërsa grupi i emergjencave civile po monitoron nga afër situatën.
/vizionplus.tv
