Në përgjimet e publikuara nga “Bild” mbi dosjen 339 të grupit “Avdylaj” ka biseda të ndryshme mes kreut të grupit Astrit Avdylaj dhe disa punonjësve të bashkisë Durrës.
Në përgjimin numër 1, Astrit Avdylaj flet në telefon me pergjegjesin e ujesjellës kanalizimeve në Shijak,Ivo Doci. ( BILD gabimisht e ka vendosur ne perkthim Drejtor te UKD).
Ai i sqaron Docit se ishte në zyrën e atij ( duke nënkuptuar Dakon) e po ashtu pranë kishte edhe Elton Arbanën ( aktualisht kandidat për kryetar bashkie I Shijakut).
Astrit Avdylaj I kërkon pergjegjesit te ujesjellesit ne Shijak që një ditë më pas të takohen dhe të flasin. Avdylaj kërkon të shohë listën e punonjësve që mund të jenë kundër në zgjedhjet lokale.
Më poshte zbardhja e plotë e telefonatës mes Astrit Avdylaj dhe Ivo Doci:
Astrit Avdylaj telefonon Ivo Docin: Mirmroma! Astriti jam..ca bone?
Ivo Doci: Astrito si je ti? Ckemi, gjithckja mire?
Astrit Avdylaj: Mirë mirë faleminderit, nga shpija mirë ti?
Ivo Doci: Mirë mo gjithcka mirë, ja sa erdha në shpi.
Astrit Avdylaj: Dëgjo pak…Isha pak sot takova atë ( Vangjush Dakon) në Durrës. Jam këtu edhe me Elton Arbanen ( ne ate kohe zyrtar I bashkise Shijak, sot kandidat I PS per kete bashki), dhe me doctor Gallain. Neser kur te kesh kohe, duhet te më besh cik listën, ca ke aty punonjës kundra që mund ti kesh të PD-së.
Ivo Doci: Të kuptoj…
Astrit Avdylaj: “I dua të gjithë emrat që mund të kesh kundra.
Ivo Doci: “ I kam nda unë, I ke të ndame komplet”.
Astrit Avdylaj: Ashtu…
Ivo Doci: I kam von para unë, I kam gati
Astrit Avdylaj: Ashtu..kur të kesh kohë se në duhet ti takojmë që ti shkundim I cik…O ke puna, o të na japin votën, ose të ikin te shpija.
Ivo Doci: As bohet fjalë fare…I kam nda një muaj para. Edhe kush ka hy në punë së fundmi edhe kush ka qënë. I kam në kompjutër të punume.
Astrit Avdylaj: Ok, dua të mi qethesh menjefjalë, se dua, a më kupton?
Ivo Doci: Patjetër, të bëj unë telefon nesër.
Astrit Avdylaj: Mirë pra, natën e mirë, na fal për…
Ivo Doci: Ca thu mër burr na fal thotë, I madh je!
Astrit Avdylaj: Hajde pra, mirëardhsh.
