E hënë, 16 Nëntor 2026 Lajme Ora 12:00 dhe Moti deri në 12:20 Në vijim ora 12:20: Trashëgimtari Halef Reklamo Kontakt Karriera
Vizion Plus
Video · Politikë

Përgjimet zbuluan blerjen e votave, SPAK akuzon Klodian Kapedanin se ka dhënë para në favor të Fisnik Qosjes

Përgjimet telefonike janë provat që Prokuroria e Posaçme ka arritur që të sigurojë, me të cilat më pas u firmos urdhri i arrestimit të Klodian Kapedanit, i cili akuzohet për shit-blerje votash.

 

Burime nga grupi hetimor konfirmojnë se ndaj 39-vjeçarit nuk ka pasur kallëzim konkret nga qytetarë apo subjekte politike, por aktiviteti i shit-blerjes së votave është zbuluar nga agjentët e SPAK, përmes përgjimeve të ndryshme.

 

Reklamë

Të njëjtat burime shtojnë se përgjimet fillimisht janë kryer për persona të dyshuar për vepra të tjera penale, por gjatë bisedave telefonike janë zbuluar edhe kontaktet e Kapedanit.

 

Bisedat dhe mesazhet në aplikacione komunikimi janë kryer pak ditë para zgjedhjeve, si dhe gjatë datës 14 maj, ditë kur në vend u zhvilluan zgjedhjet vendore.

 

Në këto biseda SPAK nuk ka arritur të saktësojë se sa kanë qenë shumat e parave që janë shpërndarë, pasi i arrestuari dyshohet se pagesat i kryente në takimet që linte me qytetarët.

 

Kapedani ka mbështetur në zgjedhjet bashkiake të 14 majit kandidatin e koalicionit “Bashkë Fitojmë”, Fisnik Qosja, i cili arriti që të fitojë mandatin për Bashkinë e Kavajës, përballë socialistit Redjan Krali.

Më shumë video

Reklamë