Koronavirusi i mori jetën koordinatorit të LSI për Astirin, Eno Laco. Pas ndarjes së tij nga jeta, reagoi kryetarja e LSI, Monika Kryemadhi.
Ajo zbuloi në rrjetet sociale bisedën e fundit që pati me të, ndërsa premtoi mbështetjen e saj për familjen e tij.
“Mona si je? Fëmijet si janë? Unë kam ardhur dhe më ke deri në fund të fushatës.
Ky ishte mesazhi yt para 30 ditësh, kur më the se ishe kthyer nga Gjermania. Por dje, të gjithë u ndalëm, nuk folëm, shtangëm, sepse ti ike dhe na le përgjithmonë. Nuk duam të të përcjellim, të duam për vete, të duam këtu me ne. Por ti zgjodhe të ikësh sepse parajsa është më e mirë sesa kjo botë këtu e padrejtë. Eno, ti ike dhe le vetëm Mirën me fëmijët, por të premtoj se ata nuk do të jenë kurrë vetëm, ne do jemi aty për ta gjithmonë. Të duam Eno jonë, do na mungosh me shakatë e tua. ❤️”
