Presidenti i Maqedonisë së Veriut, Stevo Pendarovski, ka vizituar sot bashkinë e Pustecit, ku u prit nga president i vendit tonë, Bajram Begaj.
Në një deklaratë për mediat, Pendarovskit tha se “Ballkani i Hapur” duhet të vijojë të funksionojë.
“Ballkani i Hapur që nga fillimi i tij e deri më tani është që të jetë një bashkëpunim rajonal midis Shteteve të Ballkanit. Ekzistojnë mbi 50 iniciativa të cilat krijojnë kushte të përshtatshme për bashkëpunim midis popujve. Ballkani i Hapur ka qenë një prej atyre iniciativave dhe shpresoj që në një format të tillë dhe të funksionojë. Është e pakontestueshme për 6 vendet që janë pjesë e Ballkanit të Hapur, se çadër për të gjitha nismat është Procesi i Berlinit, i cili ka marrëdhënie strukturore më të sakta se Ballkani i Hapur. Procesi i Berlinit ka marrëdhënie strukturore shumë më të sakta se Ballkani i Hapur. 6 shtete marrin pjese në procesin e Berlinit ndërsa vetëm 3 shtete në Ballkanin e Hapur dhe kjo është një mangësi e madhe për Ballkanin e Hapur.”
Edhe për presidentin Begaj nisma “Ballkani i Hapur” është e mirë, por theksoi se iu përket vendimmarrësve ekzekutivë politikë për vijimin ose jo të saj.
Përfshihen të gjitha vendet e ballkanit perëndimor dhe lehtëson procedurat burokratike , lehtëson lëvizjen e mallrave dhe të njerëzve. Padyshim si çdo inisiativë tjetër rajonale janë të mira. Vendimmarrësit ekzekutiv politik e mendojnë për vazhdimin e një iniciative ose jo.
Të dy presidentët, të shoqëruar nga zonjat e para dhe nga autoritetet e bashkisë së Pustecit dhe të Qarkut të Korçës, zhvilluan edhe një sërë aktivitetesh të tjera.
