Ministrija e Arsimit Besa Shahini bisedoi me 6 perfaqësues të asamblesë se pedagogeve, në ditën e fundit të afatit që keta të fundit kishin vënë për realizimin e 5 kërkesave të tyre.
Por bisedimet që zgjatën rreth 90 minuta, u mbyllën pa asnjë zgjidhje konkrete.
Pak orë më vonë, ministrja Shahini tha para mediave se takimi ishte i vlefshëm, por zgjidhja e kërkesave do të vijë përmes Paktit për Universitetin.
Shahini theksoi se asgjë nuk mund të arrihet përmes qëndrimeve ekstreme.
Pas qëndrimit zyrtar të ministres së arsimit, pedagogët konfirmuan për Vizion Plus se do të rimblidhen për të shqyrtuar refuzimin e kërkesave të tyre, duke mos përjashtuar bojkotin e mësimit.
Ndërkohë më herët gjatë ditës, senati akademik diskutoi për situatën e krijuar në disa fakultete për shkak të bllokimit, duke bërë apel për të liruar ambientet.
