Partia Demokratike reagoi pas deklaratës së kryeministrit Edi Rama se autori i plagosjes në Kavajë nuk ka asnjë lidhje me PS, madje është militant i PD.
Por selia blu këmbëngul se ngjarja ndodhi për motive politike dhe se pas saj, fshihet Rama.
“Edi Rama merret me gënjeshtra dhe manipulime ndërkohë që dhunuesit nuk janë arrestuar akoma! Asnjë gënjeshtër nuk e ndihmon dot Ramën, sepse të gjitha faktet dëshmojnë se sulmuesit e djeshëm janë njerëzit e tij dhe kanë vepruar me qëllim. Ky është një sulm kriminal kundër demokracisë sonë nga një njeri që tashmë e di se do t’i humbe zgjedhjet. Të dielën ne do të fitojmë dhe do të sjellim ndryshimin, për të cilin Shqipëria ka nevojë!”
