Nga kjo e premte Partia Demokratike ka nisur zyrtarisht fushatën zgjedhore, duke filluar nga përzgjedhja e kandidatëve për deputet.

Një ditë pas miratimit të udhëzimit, që i jep fuqi anëtarësisë të përcaktojë deputetët e ardhshëm, numri dy i PD Gazment Bardhi deklaron se beteja për të sjellë të djathtën në pushtet ka filluar.

GAZMENT BARDHI
SEKRETAR I PERGJITHSHEM, PD


“Ne kemi nisur fushatën zgjedhore për të fituar zgjedhjet e ardhshme parlamentare dhe lokale.”


Parimin një anëtar një votë, PD e aplikon për herë të parë, duke synuar që ekipi që do garojë në zgjedhje të ketë mbështetjen më të madhe të mundshme; por duke ruajtur të drejtën që kryesia të përfshijë në listën e kandidatëve figura të reja.

“Në këtë proces të ri që nisim sot janë futur dy faza që deri më sot nuk kanë ekzistuar, së pari seleksionimi nga një komision profesional të kandidatëve, i cili do të shqyrtojë përmbushjen ose jo të kritereve formale të kandidatëve të propozuar nga anëtarët dhe së dyti e drejta e çdo anëtari të konfirmojë kandidaturat për përfaqesuesit e PD në zgjedhje lokale apo qëndrore.”


Por çfarë ndodh nëse në Shkodër, ku Bardhi është kordinator për procesin, anëtarët propozojnë Jozefina Topallin?

“Nëse shikon me vëmendje udhezimin e publikuar dje ka një pikë të veçantë që udhëzon grupin qendror të koordinimit që të marrë çdo propozim të bërë nga anëtarët pa asnjë paragjykim bazuar mbi qëndrimet e individit që do të propozohet.”


Numri dy i PD thekson se Partia është e bashkuar dhe ndërkaq lidershipi i saj është në kontakt të vazhdueshëm me çdo demokrat që ka dhënë kontribut në parti.

“Por fakti që një individ i caktuar humb një privilegj të fituar nga demokratët në një moment të caktuar nuk nënkupton përçarje të partisë. Nënkupton humbje të privilegjit, detyrimi i çdo demokrati është që pavarësisht nëse ka apo jo privilegj, nëse është apo jo i ulur në një karrige të vijojë të mbeshtesë demokratët.”

Udhëzimi i miratuar nga Partia Demokratike parashikon që çdo kandidat duhet të plotesojë një formular vetëdeklarimi mbi figurën dhe integritetin. Ajo që bie në sy ne kete formular eshte se cilido qe deshiron te kandidoje duhet t iu pergjigjet jo vetëm pyetjeve që lidhen me procesin e dekriminalizimit, apo dekomunistizimit.

Të gjithë kandidatët duhet të japin sqarime për pasurinë e tyre e për eksepriencën e tyre në punë.


Por përtej kësaj në formular ka pyetje që lidhen nëse kandidati luan lojëra fati e çfarë shume ka humbur, nëse është përdorues droge apo alkoli, duke sqaruar nëse përdorimi i alkoolit është kthyer në problem për punën e duke saktësuar periudhën kur kandidati ka nisur përdorimin e tij; cilido që dëshiron të kandidojë për deputet duhet të japë të dhëna për shëndetin psikologjik e emocional si dhe duhet të japë emrat e 3 personave që e njohin mirë si shokë shkolle apo kolegë.

Leave a Reply

Your email address will not be published. Required fields are marked *