Sekretari i Përgjithshëm i PD, Gazment Bardhi doli në një deklaratë mediatike këtë të mërkurë për të kundërshtuar ndryshimet kushtetuese që opozita parlamentare dhe mazhoranca po bëjnë.

Bardhi nxori disa fakte, që sipas tij, tregojnë se pse me këto ndryshime po zhbëhet marrëveshja e 5 qershorit.

“Edi Rama gënjeu para shqiptarëve dhe partnerët strategjikë sot, kur deklaroi se do ndryshimet kushtetuese nuk prekin koalicionet. Faktet e mëposhtme nxjerrin zbuluar gënjeshtrat e Edi Ramës:

Neni 68 i Kushtetutës aktualisht parashikon se:

“Kandidatët për deputetë paraqiten në nivel zone zgjedhore nga partitë politike, koalicionet zgjedhore të partive politike, si dhe nga zgjedhësit.”

Pra, parashikimi aktual për koalicionet në kushtetutë, është shumë i qartë. Cfarë bën Edi Rama me ndryshimin kushtetutes, të miratuar nga Komisioni i Ligjeve? E zhduk termin koalicione

Kjo ndërhyrje e njëanshme në Kushtetutë shkel Marrëveshjen e 5 qershorit: Marrëveshja, jo vetëm lejon koalicionet parazgjedhore, por u jep mundësinë partive politike brenda një koalicioni të garojnë me lista të veçanta”.”

Sipas numrit dy të PD, Rama po kërkon t’i shmanget marrëveshjes për të destabilizuar vendin.

“Këto janë faktet që tregojnë se Edi Rama gënjen. I tmerruar nga zgjedhjet dhe rotacioni i pashmangshëm, me prishjen e Marrëveshjes së 5 Qershorit ai po kërcënon rëndë stabilitetin e vendit dhe të ardhmen europiane të Shqipërisë.”

Leave a Reply

Your email address will not be published. Required fields are marked *