Partia Demokratike akuzon autoritetet shteterorë, bashkinë e Tiranës vecanërisht se po abuzon me procesin e rindërtimit.

Ina Zhupa, zëdhënëse e selisë blu teksa publikon historinë e një familje në fshatin Gropje në Tiranë, thotë se Bashkia përjashton më të varfrit dhe rindërton vila 3 katëshe të militantëve.

Sipas saj,  Riza Nozlli jeton së bashku me bashkëshorten dhe vajzën në një shtëpi të shkatërruar tërësisht nga tërmeti i 26 nëntorit.

Zëdhënësja e PD shton se Bashkia i ka skualifikuar nga procesi i rindërtimit dhe nuk i ka dhënë as bonus dhe as ndihma.

Zhupa sjell në vëmendje deklaratën e gruas se Rizait që rrëfen se ka shkuar të aplikojë por askush nuk e ka ndihmuar.

 

“Inxhinieri i Bashkisë tha se është rindërtim pastaj e kthyen. Nuk ka ardhur askush më të na shohë. Ata nuk e dinë se ku e kam shtëpinë. Familja ime nuk ekziston për këtë shtet,” u shpreh Rizai i cili është invalid.

 

Ina Zhupa teksa pa nga afër situatën e rëndë në të cilën jeton familja Nozlli theksoi se qeveria e re do të kujdeset për të gjithë këto shtresa.

 

 “Kjo qeveri dhe Bashkia Tiranë kanë dështuar duke e treguar qartë këtë. Pak metra më poshtë qeveria po i rindërton shtëpinë e Lul Agës i cili ka vila tre katëshe. E kam denoncuar këtë fakt në Fortuz. Ndërsa ju këtu që keni nevojë për të futur kokën në një vend të sigurt, nuk ju pranojnë në institucione. Edhe 90 ditë ju kanë mbetur. Me datë 25 prill merr fund dhe e drejta juaj do të shkojë në vend dhe ne do të kthehemi për t’ju dhënë atë që ju takon dhe për t’ju rindërtuar shtëpinë siç ju takon. Qeveria e re do të kujdeset për ju siç e meritoni dhe jo duke ju lënë në mëshirë të fatit.”, tha Ina Zhupa.

Leave a Reply

Your email address will not be published. Required fields are marked *