Pas disa ditësh, vatrat e zjarrit kanë hyrë këtë të diel brenda Parkut Natyror të Mbrojtur të Gërmenjit.
Më shumë se 40 forca për 6 ditë, të shërbimit zjarrfikës, të Parkut kombëtar por e ushtrisë kanë punuar për të mos lejuar zjarrin të depërtojë brenda Parkut, por terreni i thyer malor si dhe prania e predhave të shumta brenda këtij parku e kanë bërë të pamundur shmangien e depërtimit të flakëve në këtë zonë të mbrojtur.
Situata është më e vështirë edhe për faktin se pala greke ka ndërhyrë me mjete ajrore për fikjen e flakëve vetëm në territorin e saj ndërkohë që nuk është përgjigjur pozitivisht deri tani kërkesave të vazhdueshme të institucioneve shqiptare.
Nga dita e sotme bëjnë me dije burime zyrtare pranë prefekturës së Korçës, do të shtohet numri i forcave dhe mjeteve për të hapur brezare brenda zonës së mbrojtur.
/vizionplus.tv
