Agjentet e Byrosë Kombëtare të Hetimit kanë shkuar këtë të premte në mëngjes në shtëpinë e Erion Veliajt për të ushtruar kontroll në kuadër të një hetimi ndaj kreut të bashkisë dhe familjarëve të tij.
Gjithashtu agjentët kanë ushtruar kontroll edhe në galerinë “Harabel”, të bashkëshortes së Veliajt, Ajola Xoxa.
Lexo edhe :
Related Posts
Vizion Plus mëson se Gjykata e Posaçme ka urdhëruar kontroll në banesën e Veliajt për hetimin pasuror që po bëhet ndaj tij nga prokurori Olsi Dado.
Pasi kanë mbërritur në shtëpinë e kryebashkiakut, agjentët e BKH janë njohur me faktin se Veliaj nuk gjendej aty për shkak të angazhimeve zyrtare.
Veliaj prej dy ditësh ndodhet në Hamburg të Gjermanisë për një vizitë zyrtare me homologun e tij, ndërsa sot do të marrë pjesë në tryezën e rrumbullakët të Dhomës së Tregtisë së Hamburgut, ku pjesëmarrëse do të jenë kompani gjermane të interesuara për të investuar në Shqipëri.
Veliaj pritet të kthehet sot në mbrëmje në Shqipëri. Pas njohjes me këtë fakt agjentët e BKH, hynë në banesë dhe vijuan me kontrollet.
Kryebashkiaku i Tiranës Erion Veliaj ndodhet prej disa kohësh nën një hetim pasuror pasi disa denoncimeve të përsëritura nga opozita./vizionplus.tv
