Pas 2 golave në fundjavë vjen edhe shpërblimi për Rey Manajn
Rei Manaj ka spikatur me paraqitjen e tij në futbollin turk, duke qenë një nga protagonistët kryesorë të Sivasporit në sfidën ndaj Pendiksporit.
Sulmuesi shqiptar realizoi dy gola, duke dhënë një kontribut të rëndësishëm në rezultatin e skuadrës së tij.
Performanca e zhvilluar në këtë takim i ka siguruar Manajt një vend në formacionin më të mirë të javës. Për paraqitjen e tij, sulmuesi është vlerësuar me notën 9.8, një tregues i ndikimit që pati në fushën e lojës.
Ky vlerësim përbën një tjetër moment pozitiv për futbollistin shqiptar, i cili synon të ruajë formën e mirë edhe në sfidat e ardhshme me Sivasporin. Golat dhe paraqitjet e tij mbeten një element i rëndësishëm për objektivat e skuadrës gjatë sezonit.
Ndërkohë, vëmendja është edhe te Kombëtarja shqiptare, ku Manaj vazhdon të jetë një nga alternativat në repartin ofensiv. Nëse arrin të ruajë këtë ritëm, sulmuesi pritet të kërkojë të konfirmojë formën e tij pozitive edhe në angazhimet e ardhshme me fanellën kuqezi.
