Vendosja e paqes në Afganistanin e shkatërruar nga lufta ka shkaktuar debate të shumta në rrjetet sociale mes talibaneve dhe zyrtarëve ushtarakë amerikanë.
Përplasjet në Tëitter mes kundërshtarëve, vijnë ndërsa amerikanët dhe përfaqësuesit e grupit kryengritës janë të angazhuar prej një viti në dialog, në një përpjekje për t’i dhënë fund konfliktit. Por bisedimet nuk kanë rezultuar në ndalimin apo zbutjen e veprimeve luftarake të talebanëve në fushë-betejë.
Zëdhënësi i talibanëve Zabihullah Mujahid, shkruante në Twitter se “Uashingtoni dhe jo grupi i tij, është kundër përpjekjeve për paqe”. Ai përsëriti qëndrimin tradicional të talebanëve se ndërhyrja ushtarake amerikane në Afganistan është përgjegjëse për luftën 17-vjeçare.
Përmes një postimi në Twitter ai i ka kthyer përgjigje një komenti që kishte bërë më parë zëdhënësi i ushtrisë amerikane Kolonel Dave Butler. Ai shkruante se “talebanët po dëmtonin afganët që duan paqe në vend”.
Zëdhënësi i talibanëve i kërkonte zotit Butler të fliste vetëm në emër të amerikanëve dhe “të mendojë rreth mënyrave se si amerikanët t’i japin fund pushtimit të Afganistanit, në vend që të flasin në emër të tij”. Talibanët shkruante ai “kanë zgjedhur të injorojnë vullnetin e popullit dhe të dëmtojnë vendin. Paqja është rruga e drejtë”, shkruante ndër të tjera zëdhënësi i ushtrisë amerikane.
