Dy tentativa për sulme ndaj Papa Françeskut, u parandaluan gjatë udhëtimit të tij historik në Irak në vitin 2021, ka zbuluar Papa në një autobiografi.
Papa shkroi se ai ishte paralajmëruar për një raport nga shërbimet britanike të sigurisë se një grua e re me eksploziv ishte rrugës për në Mosul për të hedhur veten në erë gjatë vizitës së tij.
Françesku, i cili ditën e sotme feston 88-vjetorin e lindjes, i bëri këto komente në autobiografinë “Hope”, e cili do të publikohet në fillim të vitit të ardhshëm.
“Kur pyeta xhandarmërinë (Vatikan) të nesërmen se çfarë dihej për dy bombarduesit, komandanti u përgjigj, ‘Ata nuk janë më atje’, shkroi ai në kujtimet, një ekstrakt i të cilit u botua nga gazeta italiane Corriere Della Sera.
“Policia irakiane i kishte përgjuar dhe i kishte shpërthyer. Edhe kjo ishte shumë e habitshme për mua. Edhe ky ishte fryti i helmuar i luftës.”
Vizita e Françeskut në Irak ishte e para nga një Papë në vend dhe u konsiderua një udhëtim me rrezik të lartë për arsye sigurie.
Por Françesku shpjegoi se ishte i vendosur të shkonte në Irak, një vend i pasur me histori biblike dhe shtëpia e një prej komuniteteve më të vjetra të krishtera në botë.
Gjatë udhëtimit ai tregoi solidaritet me të krishterët e persekutuar në vend dhe mbajti një takim historik me Ajatollah al-Sistani, një nga autoritetet kryesore të Islamit Shiit./vizionplus.tv
