Papa Françesku përshëndeti dhe bekoi besimtarët sot në mesditë në sheshin e Shën Pjetrit.
Françesku u uroi pelegrinëve “një të Dielë të Palmave dhe një Javë të Shenjtë të lumtur” dhe shtrëngoi duart me priftërinjtë, murgeshat dhe besimtarët nga e gjithë bota.
Papa lëvizi në një karrige me rrota dhe, për herë të parë, nuk përdori oksigjen.
“Pasionet e Jezusit na ndihmojnë të empatizohemi, kur i shtrijmë dorën kujtdo që nuk ka sukses, kur përqafojmë këdo që ka humbur shpresën, kur ngremë këdo që ka rënë. Motra dhe vëllezër, për të përjetuar këtë mrekulli të madhe të mëshirës, le të zgjedhim se si ta mbajmë kryqin gjatë Javës së Shenjtë: jo në qafë, por në zemër. Jo vetëm tanët, por edhe ata që vuajnë, pranë nesh. Le të përgatitemi për Pashkë, le të bëhemi të mirë për njëri-tjetrin”, theksoi Françesku në mesazhin e tij sot për besimtarët./vizionplus.tv
