Në vitin 2016 Gaqo Gjini dhe Konstandin Shakaj vodhën 6 milionë lekë në një bankë të nivelit të dytë në Vlorë por policia arriti të prangoste vetëm 37 vjecarin Shakaj nga fshati Kote.
Dy vite më pas blutë kishin arritur të siguronin vendodhjen e 38 vjecarit i cili fshihej po në këtë qark por tentativa për ta arrestuar për pak sa nuk përfundoi në tragjedi.
Operacioni i zhvilluar në Rradhimë sëbashku me forcat operacionale për kapjen e Gjinit përfundoi me të dyshuarin e plagosur pasi ai tentoi të qëllonte me thikë njërin prej punonjësve të policisë.
Sipas njoftimit zyrtar në kushtet e vetëmbrojtjes efektivi e qëlloi në këmbë. I kërkuari kishte marrë me qera një ambient ndërsa ngjarja shkaktoi panik mes pushuesve.
Gaqo Gjini 38 vjeçar u shpall në kërkim dy vite me pare pasi dyshohej si bashkëpunëtor në grabitjen e nje dege banke ne qytetin bregdetar. Grabitja u bë në mes të ditës ndërsa Gjini e Kote të maskuar dhe nën kërcënimin e armëve morën shumën e madhe të parave. Në dalje kamerat e sigurisë fiksuan dhe momentin kur grabitësit vodhën një automjet tip Mercedes Benz me ngjyrë të bardhë për tu larguar nga vendngjarja.
