Një shpërthim me bombë ka ndodhur rreth orës 21:32 (me kohën lokale) të mbrëmjes së djeshme jashtë zyrave të Hellenic Train në Athinë.
Një person ende i paidentifikuar telefonoi mediat para shpërthimit dhe paralajmëroi për një pajisje shpërthyese, e cila sipas tij do të aktivizohej brenda 35 minutash.
Menjëherë pas telefonatës zona u rrethua nga policia dhe trafiku u ndalua në Avenue Syggrou.
Në vendngjarje ka shkuar një ekip nga departamenti i asgjësimit të mjeteve shpërthyese. Policia konstatoi se një motoçikletë e tipit skuter, pa targa, ishte e parkuar jashtë zyrave të kompanisë, dhe shumë afër, e vendosur pranë një shtylle, ishte një çantë ku ndodhej lënda plasëse.
Piroteknianët nuk kanë mundur të bëjnë shpërthim të kontrolluar të bombës dhe pak kohë më pas, pasi zona është evakuuar, shpërthimi ka ndodhur në momentin që ishte paralajmëruar nga telefonuesi.
Protothema.gr ka publikuar një foto të çantës së shpinës me një mjet shpërthyes.
Nga shpërthimi nuk ka të lënduar, ndërsa policia nuk ka arritur ende të identifikojë autorin/autorët e vendosjes së bombës./vizionplus.tv
