Një ndeshje futbolli është përgjakur në Turqi pasi një tifoz vendas sulmoi portierin e njërës prej skudrave ndërsa edhe tifozët janë përplasur mes tyre.
Ndeshja derbi midis rivalëve Göztepe dhe Altay të Turqisë të dielën, u anulua 25 minuta pas pjesës së parë.
Loja u ndërpre pasi tifozët kishin nisur përplasjet në tribunë, ndërsa duke përfituar nga rrëmuja, njëri prej tyre hyri në fushë dhe iu sul portierit.
Portieri 29 vjeçar, u godit dy herë, në shpinë dhe në kokë ndërsa iu shmang me vështirësi sulmit derisa sigurimi dhe lojtarët e tjerë ndaluan tifozin.
29-vjeçari u dërgua në spital për ndihmë mjekësore pasi kishte marrë një plagë në kokë dhe dëmtime në shpinë.
Ambulancat kanë qenë të shumta në stadiumin me kapacitet 25 mijë tifozë pasi të lënduar kanë mbetur edhe persona të tjerë që u konfliktuan mes tyre.
Goztepe vs Altay in Turkey was interrupted after a fan attacked the Altay goalkeeper with the corner flag… 😧pic.twitter.com/ylfsSKmrxM
— SPORTbible (@sportbible) November 27, 2022
