Paloka: Siguria publike në sezonin turistik katastrofë
Nënkryetari i Partisë demokratike, Edi Paloka ka reaguar në lidhje me ngjarjet nga kronika e zezë të ditëve të fundit.
Përmes një statusi në rrjetin social Facebook, Paloka shfaq dyshimet e tij në lidhje me sigurinë publike në vend.
Ndër të tjera ai akuzon policinë, se në këtë sezon turistik nuk është aq e vënmendshme sa duhet për ruajtjen e sigurisë qytetarëve dhe turistëve.
“Siguria publike, ne pikun e sezonit turistik , katastrofe. Brenda një dite, vetëm dje, lajme që ngjallin trishtim; familje që janë nisur të gjejnë qetesinë ne pushime po përfundojne viktima te aksidenteve; pushues qe humbin jeten ne det ; ne mes te lokalit te mbushur edhe me turist te huaj, kercet pushka…
Policia bën deklarate “nuk ka asnje te lenduar”!!!
Sigurisht sepse policia nuk ka prioritet qytetaret. Policia e Agron Xhafajt eshte e angazhuar te percjelle tonelatat e droges drejt bregut tjeter. Eshte e angazhuar te krijoje alibite per krimet qeveritare . Policise nuk i intereson jeta dhe siguria e qytetareve , perkundrazi , ata jane kthyer ne rrezikun e qytetareve duke u vene ne sherbim te mafies ne pushtet.”
