Partia Demokratike do ti kthehet normalitetit të jetë parlamentare vetëm kur mazhoranca të fusë në rend ditë dhe të miratojë propozimet e opozitës për ndryshimet kushtetuese lidhur me vettingun ne politike.
Kjo gjë është bërë e ditur në emisionin e mengjesit “7 pa pesë” në Vizion Plus nga nënkryetari I selisë blu, Edi Paloka.
Ne duhet të jemi afër qytetarëve, dhe jo me kriminelët. Dhe do rikthehemi në Parlament vetëm kur Rama të fusë në rend ditë ndryshimet kushtetuese që kemi kërkuar sa I takon vettingut të politikanëve.
Duke qëndruar pikërisht tek kjo cështje, Paloka sqaroi arsyet pse PD kërkon me ngulm kryerjen e këtij procesi.
Ju e dini që ne në mandatin e kaluar kërkuam dhe miratuam një ligj për dekriminalizimin. Arsyen se përse e kërkuam këtë, ishte se Rama kishte futur në Parlament kriminel. Dhe sot ai ligj edhe pse jo ashtu siç e donim ne ka vepruar në Parlament. Sot lëvizja jonë për vettingun e politikanëve vjen për faktin se ne na rezulton që kemi një ministër të Brendshëm që e ka vëllain në burg. Dhe këtu po bëjmë fjalë për njerëzit më të rëndësishëm të shtetit.
Aktualisht po bëhet një vetting në gjyqësor. Cfarë u është kërkuar atyre? Iu ka dal një mik apo I afërm që ka lidhje me krimin dhe janë larguar nga detyra. Ky Tom Ndreca u largua se I thanë që ke nipin kriminel.Dhe meqë ne e bëjmë tek gjyqtarët tek policët pse të mos e bëjmë dhe tek politikanët. Qëllimi është që të kë kontrollohen këto shembuj sepse kemi një kryeministër të lidhur me krimin. Deputetit të Durrësit Çyrbja i dolën lidhjet në Shijak ao edhe Taulant Ballës me Edmond Begon.Kështu si po shkojnë gjërat në Shqipëri është e domosdoshme. Këta po ngatërrojnë disa gjëra. SPAK-u bën ndjekjen penale ndërsa vettingu do të jetë dhe për pasurinë. Pra lidhjet me krimin dhe mënyra sesi e ke vënë pasurinë.
Paloka u shpreh dakort që në rast se miratohet vetting për politikanet le të ngrihet qoftë edhe një komision me të huaj nëse palet politike tek njeri-tjetri.
Duke qëndruar tek një tjeter problematike e kohëve të fundit, efikasiteti I komisioneve hetimore, drejtuesi I lartë I PD akuzon Ramën si njeriu që nuk lejon funksionimin e këtyre komisioneve, sic ishte rasti I hetimeve ndaj ish ministrit Tahiri.
Është e vërtetë që këto komisione nuk kanë shkuar deri në fund. Rama nuk lejon të zhvillohen këto komisione. Komisioni e ka një qëllim dhe ai është për të kaluar këto barrierat politike dhe ai po e tregon se është kundër kësaj. Ne kërkuam prova për Tahirin dhe drejtoria e Policisë nuk na i dha dokumentet duke u justifikuar se po merren me vettingun dhe kërkuan më shumë kohë.
Më tej Paloka u ndal edhe tek lëvizjet e fundit të forcave politike ku PDIU iu bashkua opozitës dhe kjo çoi në largiminm e PBDNJ.
“Edhe Vangjel Dule e di sot që synimi I cdo partie dhe qytetari është largimi I Edi Ramës. Pastaj koalicionet do bëhen më vonë.”
Ai shtoi gjatë emisionit “7 pa pesë” se PD është në fazën e strukturimit. Sipas Palokës janë përcaktuar grupet e punës dhe brenda tetorit ky process do të përfundojë.
Edi Paloka nuk pranoi të komentonte zërat në lidhje me rinisjen e protestave nga opozita por u shpreh dakort me mendimin e Berishës I cili tha se PD nuk duhet të futet ne zgjedhje lokale me Ramën kryeministër pasi sipas Palokës ai është një kryeminister që nuk lejon zgjedhje normale.
