Pakoja bombë në zyrën e Ministrit Gjerman të Financave është dërguar nga një organizatë terroriste greke e njohur si ‘Komploti i bërthamave të zjarrit’. Kjo e fundit ka marrë përgjegjësinë për dërgimin e saj.

 

Kjo organizatë terroriste ka paralajmëruar se do të intensifikojnë sulmet, ndërsa sqaruan se ky është vetëm akti i dytë i planit “Nemesis”.

 

Ndërsa nënkryetari i Partisë Demokracia e Re, Adhonis Gjeorgjiadis, emri i të cilit qëndronte në pakon e dërguar Ministrit të Financave të Gjermanisë ka thënë se Posta Greke duhet të kishte kryer kontrollet në këtë pako:

 

“Përgjegjësia është e Postës Greke dhe e autoriteteve të tjera përgjegjëse për kontroll të pamjaftueshëm të pakos së dërguar Ministrit Gjerman të Financave Wolfgang Schaeuble”.

 

“Zarfi u identifikua atje ku ka kontroll serioz dhe tregon se çfarë rrëmuje ekziston në Postën tonë dhe në autoritetet nga ku pakoja kaloi. Më e keqja është, se disa persona e marrin këtë fakt si shaka, ndërkohë që nuk është aspak e tillë dhe ekspozon vendin”.

Gjerogjiadhis tha, se përdorimi i emrit të tij nga autorët dëshmon shënjestrimin e tij nga terrorizmi i brendshëm por edhe nga Siriza.

Sipas mediave greke, Autoritetet e Policisë Greke  kanë lënë të hapur lidhjen e dërgimit të pakos në Gjermani me zjarrvënien e qëllimshme në librarinë e Adhonis Georgjiadhit në lagjjen Kifisia. Mekanizmi i vendosur në dyqanin e Nënkryetarit të Partisë Demokracia e Re  ka ngjashmëri të mëdha me ato që përdor organizata ‘Komploti i bërthamave të zjarrit’ me sulmet në kisha në Athinë dhe Pire në vitin 2009, ndërkohë që anëtarë të së njëjtës organizatë i kanë dërguar me postë në vitin 2010 pako kancelares Angela Merkel, Sarkozi dhe Berluskoni.

Leave a Reply

Your email address will not be published. Required fields are marked *