Erion Veliaj fiton gjyqin për shpifje ndaj deputetes së PD-së, Grida Duma. Gjykata e Posaçme ka rrëzuar pretendimet e deputetes Duma për shpifje nga ana e kryebashkiakut të Tiranës.
Veliaj gjatë fushatës i ka kujtuar Grida Dumës se i kishte shitur disa herë të njëjtin apartament një individi dhe se ajo qe dënuar nga gjykata për mashtrim. Kjo gjë bëri që Duma ta padiste kreun e Bashkisë së Tiranës, padi e cila u rrëzua nga Gjykata.
Edhe organi i akuzës ishte në të njëjtën linjë me Gjykatën teksa nënvizoi se kryebashkiaku s’ka shkelur ligjin dhe s’ka konsumuar elementet e veprës penale të shpifjes.
Përplasjet në distancë mes Veliajt dhe GRida Dumës kanë qënë të shpeshta gjatë viteve të fundit, sidomos në gara zgjedhore. Edhe në fushatën e 25 prillit, Grida Duma bëri një premtim public, teksa sfidonte Veliaj me fitore të thelle të PD në Kavajë dhe Rrogozhinë.
