Presidentja e Kosovës, Vjosa Osmani, ka kujtuar ndërhyrjen e NATO në Kosovë, 27 vjet më parë.
Presidentja ka shpërndarë një video nga momenti kur presidenti amerikan Bill Clinton dha lajmin për ndërhyrjen ushtarake.
Osmani ka theksuar rëndësinë e ruajtjes së aleancave ndërkombëtare, duke i cilësuar ato jetike për lirinë e vendit.
“27 vjet më parë, kur populli i Kosovës përballej me shfarosje nga Serbia gjenocidale, NATO veproi. Kosova nuk harron. Aleancat që mbrojnë lirinë duhet t’i ruajmë po aq sa vetë lirinë”, ka deklaruar ajo.
