Ambasadori i OSBE-së në Tiranë, Bernd Borchardt i ka bërë apel opozitës që të mos lejojë që protesta e së shtunës të degjenerojë në dhunë, pasi nuk dihet në pushtet me trazira.
Në reagimin e OSBE ndër të tjera theksohet se Shqipëria ka parë boll dhunë politike në të shkuarën.
“Shprehim shpresën tonë që protesta politike e së shtunës nuk do të degjenerojë në dhunë. Aspiratat e të gjithë qytetarëve shqiptarë kërkojnë një diskurs politik të pjekur dhe konstruktiv; trazirat nuk janë një rrugë e shkurtër për të ardhur në pushtet. Shqipëria ka parë boll dhunë politike në të shkuarën. Çdo kthim në atë kohë vetëm sa do të dëmtonte vendin, veçanërisht tani që ai futet në një periudhë katër mujore vendimtare, kur të gjitha përpjekjet dhe energjitë duhet t’i kushtohen organizimit të zgjedhjeve vendore, të cilat janë një provë e vërtetë për demokracinë”.
Gjithahstu në lidhje me protestën e paralajmëruar të opozitës me 16 shkurt kanë reaguar më herët ambasada e SHBA, BE dhe ambasadori britanik, të cilët kanë kërkuar nga opozita shqiptare që të shmangë dhunën në protestë.
