Policia belge ka bastisur një vilë në Belgjikë, ku po kryhej një orgji prej 50 personash. Shtëpia ishte vendosur pranë një klinike për pacientët që vuajnë nga koronavirus.
Gjithçka filloi kur një familje u ankua në polici për zhurmën që vinte nga një pronë me qira në Saint-Mard, Virton, para një klinike të kujdesit për pacientët e infektuar me koronavirus.
Policia ndërhyri menjëherë dhe bastisi vilën, duke zbuluar kështu një grup me të paktën 50 persona. Të ftuarit kishin paguar 225 £ për të marrë pjesë.
Edhe gjobat me të cilat u ndëshkuan të ftuarit korrespondojnë me të njëjtën shumë që paguanin për t’u bërë pjesë. Në shtëpi, gjithashtu u gjet edhe drogë.
Pronari i shtëpisë nuk ishte në dijeni të festës së madhe që po organizohej, pasi qiraja ishte rënë dakord përmes palëve të treta.
Kryetari i bashkisë së Virton u shpreh i indinjuar për atë që ndodhi: “Organizimi i një aktiviteti të tillë seksual para një klinike për pacientë të prekur pozitivë me COVID është moralisht i papranueshëm”.
Kjo histori u bë publike disa javë pasi eurodeputeti i krahut të djathtë Jozsef Szajer u kap në mes të një orgjie homoseksuale në Bruksel, kundër rregullave anti-Covid. Për pasojë, ai u detyrua të hiqte dorë nga posti i tij.
