Opozita reagoi pas votimit te ndryshimeve ne kodin zgjedhor duke theksuar se rruga e vetme per te ruajtur konsensusin e arritur eshte terheqja nga ndryshimet kushtetuese te njeanshme.
Ne nje deklarate te koalicionit opozitar, Partia Demokratike dhe aleatet e saj shprehen gatishmerine per te vijuar dialogun, për çdo çështje tjetër, pa cënuar rezultatet e marrëveshjes së 5 qershorit. Kete vullnet dy negociatoret Oerd Bylykbashi e Petrit Vasili e percollen edhe ne Keshillin Politik.
“Çdo veprim i njëanshëm minon dhe nxjerr nga shinat marrëveshjen e 5 qershorit. Duhet transparencë, konsensus mes palëve. Në qoftë se për kodin elektoral u deshën mbi 6 muaj kërkohet që kushtetuta e vendit të ndryshohet për 6 ditë. 6 muaj për kodin e 6 ditë për kushtetutën. Këshilli dhe opozita mbetet e palëkundur duke përfunduar 5 qershorin me të gjitha elementet duke i dhënë diskutim gjithë debatit. Mazhoranca nuk do që të diskutojë, do datën, verdiktin, ata kanë vetëm një qëllim të thyejnë digën që ndan, sepse zgjedhjet sipas 5 qershorit janë e kundërta e zgjedhjeve të manipuluara.”
Por nga ana e tij socialisti Gjiknuri perseriti se listat e kandidateve per deputet do te hapen ne 30 korrik duke ftuar opoziten te behet pjese e procesit.
“Fatkeqësisht opozita nuk do që kjo cështje të trajtohet në këshill, ndryshe nga sa kërkon presidenti dhe ndërkombëtarët, që para 30 korrikut të kemi mundësi të vazhdojmë diskutimet, pasi Kuvendi ka vijuar një procedurë që nuk e ndalojmë dot. Nuk patëm dakordësi.”
Por ne nje kohe qe kompromisi per sistemin zgjedhor duket i larget, Keshilli Politik miratoi paketen prej 7 ligjesh qe synojne te luftojne fenomenin e shit blerjes se votes.
