Opozitai ka dërguar një letër Kolegjit Zgjedhor ku kërkon pezullimin e dhënies së mandateve për Këshillat Bashkiakë derisa Gjykata Kushtetuese të vendosë për 30 qershorin.
Letra e opozitës i është dërguar Kolegjit Zgjedhor nga Gazment Bardhi , para nisjes së shqyrtimit në kolegj të çështjeve për shpërndarjen e mandateve të këshilltarëve bashkiakë.
Për letrën në fjalë të dërguar nga sekretari I përgjithshëm I PD drejt Kolegjit Zgjedhor është informuar edhe ODIHR, ONM, BE, dhe ambasadat kryesore në Tiranë.
Sipas opozitës, Shoqata e Bashkive ka depozituar në Gjykatën Kushtetuese një kërkesë për kushtetueshmërinë e votimeve të 30 Qershorit dhe pa u shqyrtuar çështja në Gjykatën Kushtetuese, Kolegji Zgjedhor ka pengesë ligjore për të bërë shpërndarjen e mandateve të Këshillave monopartiake Bashkiake.
Sipas Kodit të Procedurës Civile, Kolegji Zgjedhor ka detyrimin ligjor të vendosë pezullimin e gjykimit, për shkak se “çështja nuk mund të zgjidhet para se të zgjidhet një çështje tjetër. Ligji detyron Kolegjin të nos marrë vendim pa u shprehur më parë Gjykata Kushtetuese mbi kushtetueshmërinë e Dekreteve të Presidentit. Standardet e shqyrtimit gjyqësor te nosmarrëveshjeve në rrezik nga presioni i vetingut mbi disa anëtarë të Kolegjit Zgjedhir.
Në letër mes të tjerash thuhet se vendimet e deritanishme të Kolegjit Zgjedhor, të pambështetura në ligj dhe të motivuara politikisht, sipas interesit të Qeverisë.
Regjistrimi i paligjshëm i Bindjes dhe mohimi i opozitës për komisionerët, u konstatuan të paligjshme nga ODIHR. Vetëm Gjykata Kushtetuese mund të shqyrtojë mënyrën e ushtrimit të kompetencave nga Presidenti, përfshirë dekretin e zgjedhjeve. Sa kohë janë në fuqi dekretet për zgjedhje në 13 Tettor mandatet e këshilltarëve bashkiakë nuk mund të shpërndahen.Janë fituar në votime të padekretuara nga Presidenti. Ky është një rast që Kolegji të mos lejojë zëvendësimin e pluralizmit me partinë shtet dhe demokracia me diktaturën.
Opozita I bën apel Kolegjit Zgjedhor se tani është koha që ky institucion t’i shërbejë interesit publik dhe jo interesit privat, që sipas forcave forcave opozitare, po përdoret nga Rama për të krijuar drejtësinë e tij private, duke i shkaktuar Shqipërisë një dëm afatgjate.
Shperndarja e mandateve per keshilltaret bashkiak u bllokua ne KQZ pasi duhen 5 vota dhe PS zgjodhi strategjine tjeter per dergimin e mandateve ne Kolegjin Zgjedhor. Kete te hene shqyrtohen kerkesat per miratimin e mandateve per keshilltare ne disa bashki.
Shperndarja e mandateve per keshilltare eshte pengesa e fundit edhe per nisjen pune te kryetareve te rinj te bashkive pasi ata duhet te betohen para keshillave te rinj te bashkive.
