ONM ankimon edhe rikonfirmimin në detyrë të prokurorit të çështjes “Tahiri”
Operacioni Ndërkombëtar i Monitorimit u ka paraqitur Komisionerëve Publikë rekomandimin për ta ankimuar në Kolegjin e Posaçëm të Apelimit vendimin e Komisionit të Pavarur të Kualifikimit për konfirmimin në detyrë të z. Gentian Osmani, i cili punon si magjistrat/prokuror në Prokurorinë pranë Gjykatës së Shkallës së Parë për Krimet e Rënda, kandidat për anëtar të Këshillit të Lartë të Prokurorisë.
Komisionerët Publikë, pasi t’u jetë njoftuar vendimi me shkrim i Komisionit të Pavarur të Kualifikimit, do ta shqyrtojnë atë krahas rekomandimit të Operacionit Ndërkombëtar të Monitorimit.
Bazuar në pikën 7, të nenit 55, të ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, Komisioni i Pavarur i Kualifikimit ka 30 ditë afat për t’ia njoftuar vendimin me shkrim Komisionerëve Publikë.
Gentian Osmani ka qënë prokuror i cështjes në ngarkim të ish ministrit të Brendshëm Saimir Tahiri.
Me heret kete te enjte, Operacioni Ndërkombëtar i Monitorimit, ka kërkuar nga Komisioneri Publik, të kundërshtojë pranë Kolegjit të Posaçëm vendimin e KPK-se per rikonfirmimin ne detyre edhe te gjyqtarit te Gjykates Administrative Gentjan Medja.
