Partia Demokratike po zhvillon këtë të premte protestën e katërt kombëtare para Kryeministrisë.
Politologu Ermal Hasimja, në fjalën e tij i bëri thirrje qytetarëve që t’i bashkohen Partisë Demokratike.
Hasimja shtoi se sot ka më shumë nevojë se kurrë për frymë bashkimi dhe për zgjedhje të lira e të ndershme, ku populli të vendosë vetë se kush do ta qeverisë vendin.
Ai u bëri thirrje qytetarëve të mos mbeten pasivë, por të bashkohen dhe të vendosin vetë për të ardhmen e vendit.
Hasimja: Sot kemi më shumë nevojë se kurrë për frymë bashkimi. Duam zgjedhje të lira dhe të ndershme, ku të vendosim vetë se kush do të na qeverisë. Shpresa nuk vjen nga qielli, ejani dhe krijojeni shpresën në këtë shesh. Ejani për t’i treguar forcën tuaj çdo qeverie që do vijë të ardhmen, edhe nëse ajo qeveri do dalë nga ky shesh. Asnjë ndryshim nuk ka ardhur nga kafenetë dhe divanet e rehatshme të shtëpisë. Nëse ju pëlqejnë partitë që janë këtu përpara jush, ejani dhe bëjeni vetë. Qytetarë të vendit tim, e di që jeni të zhgënjyer nga politikanët, por para se të vendosni se kë do votoni, bashkohuni me ne që kërkojmë zgjedhje të lira dhe të ndershme.
/vizionplus.tv
