Ish-kryeministri Sali Berisha i është përgjigjur nga Fieri ambasadores së SHBA në Tiranë, Yuri Kim, pas deklaratës së saj dhënë për “Zërin e Amerikës”, e cila theksoi se ai i di arsyet pse u shpall “non grata”.

 

Lideri historik i së djathtës theksoi se nuk ka asnjë të vërtetë në akuzat e DASH. Sipas tij, janë vetëm shpifje të bazuara në raporte të organizatave të shoqërisë civile dhe mediave.

 

“Miqtë e mi, ambasadorja ka deklaruar para disa ditësh në Zërin e Amerikës se habitem se si njerëzit bëjnë të paditurin. Më lejoni t’ju them këtu para jush, para të gjithë shqiptarëve, zonja ambasadore ke thënë këtë, por ke thënë edhe diçka tjetër. I ke thënë Lulzim Bashës se Berisha e di që ne kemi dosje, por ai nuk i beson ato dosje. Nga e di që kanë dosje. DASH ka deklaruar se Sekretari i Shtetit ka marrë vendimin bazuar në raporte të NGO-ve, të organizatave të shoqërisë civile, në raporte të mediave, në raporte të qeverisë së Edi Ramës, raporte antikorrupsion që nuk janë botuar kurrë. Unë nuk kam thënë kurrë ndonjëherë që nuk janë dosjet, por ato janë të tëra shpifje dhe vetëm shpifje. Edi Rama dy vite me radhë me Engjëll Agaçin ka çuar me dhjetëra e dhjetëra vendime të qeverisë, të gjitha i ka kthyer prokuroria e tyre si pa asnjë bazë.”

Leave a Reply

Your email address will not be published. Required fields are marked *