“Nuk ka Zot”/ 40-vjeçari që tentoi të vetëdigjej, me probleme mendore

40-vjeçari që tentoi të vetëdigjej gjatë faljes së Bajramit në sheshin “Skënderbej”, vuan nga çrregullime të shëndetit mendor.

Nga verifikimet, B.Grosha rezulton i pajisur me kartelë nga spitali psikiatrik.

Ai u fut mes besimtarëve myslimanë dhe tentoi t’i jepte fund jetës së tij, por u neutralizua nga besimtarët, dhe më pas u shoqërua nga uniformat blu.

Grosha, në një moment dëgjohet teksa thërriste: “S’ka Zot, duhet me ik nga kjo jetë”.

Zëvendëskryetari i Komunitetit Mysliman Shqiptar, Taulant Bica, tha në një prononcim për mediat se ishte një incident sporadik dhe nuk ka të bëjë me besimin.