Federata shqiptare e basketbollit ka publikuar dhe vendimin për verdiktet përfundimtare të kampionateve kombëtare 2019-2020 për meshkuj dhe femra, të cilat u ndërprenë në muajin mars për shkak të pandemisë së koronavirusit.
FSHB vendosi që nuk do të ketë asnjë skuadër kampione apo skuadra që bien nga kategoria.
Ndërsa sa i takon vitit të ri, u caktua data 15 nëntor per startimin e sezonit 2020-2021.
Kjo gjithmonë duke parë zhvillimet në vend dhe nëse do të jepet drita jeshile nga qeveria, për zhvillimin e aktiviteteve sportive në salla të mbyllura.
Ndërkohë, superliga dhe kategoria e parë për meshkuj do të shkrihen në një kampionat të vetëm.