Shefja e diplomacise se BE gjatë konferencës për shtyp në Tiranë me kryeministrin Rama u ndal edhe tek bisedimet e vështira Kosovë-Serbi.
Mogherini e cila eshte akuzuar si ideatorja e tezes se korrigjimit te kufijeve nga kryeministri I Kosoves perseriti se heqja e takses eshte e domosdoshme per rikthimin e dialogut Prishtine Beograd.
Gjatë muajit të fundit, vendimi i qeverisë së Kosovës për të përcaktuar 100% tarifa për mallrat që vijnë nga Serbia dhe Bosnjë e Hercegovina kanë krijuar një ambient, i cili nuk nuk është frutdhënës për dialogun dhe është edhe në shkelje të marrëveshjeve të cilat ka nënshkruar Kosova. Nga ana jonë e Bashkimit Europian, por edhe nga partnerë të tjerë ndërkombëtarë, kemi kërkuar që të hiqen këto tarifa dhe kjo do të krijonte menjëherë kushtet që dialogu të rifillonte”, – vuri në dukje kryediplomatja e BE-së.Nëse tarifat do hiqeshin sonte, unë do të bëja thirrje që në mëngjes nesër për një seancë të re të dialogut. Dhe kjo ishte e vështirë dhe e dhimbshme si zakonisht, por produktive.Tashmë përgjegjësia është në dorën e vendimmarrësve në Kosovë. Kjo nuk do të thotë që ne po heqim dorë nga lehtësimi i dialogut dhe me ç’di unë, ne nuk jemi pjesë e ndonjë plani të caktuar. Roli i lehtësuesit do të thotë të krijosh kushtet, mundësinë, hapësirën që të dyja palët të bëhen bashkë. Dialogu është i tyre nuk është yni,Ne jo vetëm respektojmë pozicionet dhe qëndrimet negociuese të secilës palë, por ne marrim shumë seriozisht edhe rolin tonë dhe rolin tim personal të mospërcaktimit të marrëveshjeve të ardhshme, por lejimin e një marrëveshjeje normalizimi”.
Zyrtarja e Brukselit ndodhet ne Tirane per te marre pjese ne aktivitetet e dites se Europes si dhe ne punimet e samitit te Brdo Brionit.
Ndërkohe Rama shtoi se nuk ka asnjë komplot apo plan për copëtimin e Kosovës.
Sipas tij kjo është një gënjeshter dhe thashethem facebook-u. Rama pohoi se dialogu I përket vetëm dy paleve Kosovës dhe Serbisë, e askujt tjetër.
