Kryeministri Edi Rama, gjatë një vizite zyrtare në Izrael, ka mbajtur një fjalim në një seancë speciale të Parlamentit izraelit, ku vuri theksin te historia e Shqipërisë në mbrojtje të hebrenjve gjatë Luftës së Dytë Botërore, si dhe te zhvillimet aktuale në Lindjen e Mesme.
Rama deklaroi se Shqipëria do të hapë një muze kushtuar veprave të popullit shqiptar për shpëtimin e hebrenjve, duke theksuar se vendi ynë është i vetmi që doli nga lufta me më shumë hebrenj se sa kishte para saj. Ai u ndal gjithashtu te lufta në Gaza, duke fajësuar drejtpërdrejt Hamasin për situatën e krijuar.
Rama: Ne do të hapim muzeun për veprat e popullit shqiptar për të shpëtuar hebrenjtë. Në shekullin XVI hebrenjtë arratiseshin për t’i shpëtuar shtypjes… të rinjtë tanë dhe shumë njerëz që vijnë vizitojnë vendin tonë, kushdo që të vijë nga të rinjtë tuaj dhe vizitorët tuaj, do të shohin këtë frymë dhe se çfarë është bërë për hebrenjtë. Shqipëria është i vetmi vend që doli nga Lufta e Dytë Botërore me më shumë hebrenj të strehuar në territorin e saj se sa çkishte kur nisi lufta. Asnjë prej tyre nuk iu dorëzua nazistëve. Më ka ardhur keq që shumë media e kanë përshkruar Gazën si burg në qiell të hapur, por kanë haruar të përshkruajnë se kush është xhelati. Ai është Hamasi. Fajtori është Hamasi dhe askush tjetër.
Më lejoni t’iu marr me vete shumë larg me Jerusalemin, në qendër të Tiranës, është një tunel në qendër të Tiranës, ndërtuar për të torturuar armiqtë e popullit, ose për t’u strehuar nga ndonjë sulm i ndërtuar nga një regjim që kishte frikë çdo dritë lirie. Kjo memorie më ka bërë gjithnjë që të kem. Më ka ardhur keq që shumë media e kanë përshkruar Gazën si burg në qiell të hapur, por kanë dështuar të sjellin në vëmendje kush është xhelati atje, fajtori është Hamasi dhe askush tjetër.
Prandaj, derisa Hamasi të çarmatoset dhe të çmontohet, asnjë paqe nuk mund të zgjasë dhe nuk mund të arrihet. Sot, ai tunel që ju fola pak më parë, në Tiranë është transformuar në një hapësirë dedikuar viktimave, të atyre që ndërtuan tunelin. Në ato tunele që Hamasi, vrau, torturoi pengjet izraelite, do të ruhen si pjesë e rikonsturktimit dhe rindërtimit të Gazës që të jetë dëshmi e paqes afatgjatë që mund të arrihet dhe si shembull e memories kolaktive që nuk duhet të harrojë dhe të sjellë vuajtjet e izraelitëve dhe palestinezëve. Uroj që trupat e vrarë nga Hamasi të jenë si qirinj të ndezur dhe si shenjë e përjetshme, e paharruar për terrorin dhe horrorin e ndërmarrë e vepruar nga Hamasi. Ata që harrojnë të shkuarën e tyre, janë të dënuar ta rijetojnë atë
/vizionplus.tv
