Drejtuesi politik i PD për Kamzën, Flamur Noka takoi këtë të hënë një çift pensionistësh në Bathore. Ata ju ankuan Nokës se paguajnë një faturë të kripur për energjinë elektrike dhe se pavarësisht ngritjes së zërit, nuk kanë marrë zgjidhje.
“Që prej vitit ’97 kam votuar Partinë Socialiste dhe sot jam më i zhgënjyer se kurrë prej saj. Si ka mundësi të faturohem rreth 7 milion lekë për 19 muaj, duke patur në shtëpi vetëm 3 llampa dhe një televizor? Familja jonë ngrohet me sobë me dru. I kam shkruar kryeministrit, i kam kërkuar takim drejtorit të përgjithshëm të OSHEE dhe nuk më kthejnë përgjigje”, tha pensionisti Sevxhemali Beluli.
Flamur Noka ju premtoi se gjërat do të ndryshojnë kur Lulzim Basha të bëhet kryeministër. Sipas tij, pas 25 prillit padrejtësitë do të marrin fund.
“T’i faturosh një çifti të moshuarish 7 milionë lekë energji elektrike për 19 muaj, duke patur vetëm 3 llamba në shtëpi është kriminale! Më 25 prill këto padrejtësi do të marrin fund. Me Partinë Demokratike dhe Lulzim Bashën kryeministër, qytetarët nuk do të trajtohen ca si të nënës e ca si të njerkës. Ne sot jemi më të bashkuar se kurrë për ta larguar Edi Ramën, të keqen e madhe të këtij vendi.”
