Një iranian në stacionin e policisë së Kapshticës. Burime të sigurta bëjnë me dije se në një prej ambienteve akomoduese te këtij stacioni ndodhet një iranian, ndërsa mësohet se me vete ka të gjitha pajisjet dhe sixhadet që përdorin besimtarët për t’u falur.
Nga ana e Drejtorisë së Kufirit dhe Migracionit zyrtarisht ende nuk bëhet e ditur, por as nuk e kanë kundërshtuar faktin se brenda këtij stacioni ndodhet një iraninan.
Po të njëjtat burime thonë se ai ka ardhur nga kryeqyteti dhe nuk është kapur në zonën e gjelbër. Ndërkohë iraniani është në pritje të avokatit të tij për të sqaruar pozicionin pse gjendet në Shqipëri dhe në këto kushte.
