Një i vdekur gjatë trazirave në Kubë

Një burrë u vra dhe disa civilë dhe zyrtarë të sigurisë u plagosën gjatë një demonstrate në periferi të Havanas, njoftoi Ministria e Brendshme në Kubë.

Të plagosurit po trajtohen në spital, ndërsa jetën e humbi një 36-vjeçar. Sipas autoriteteve, ai vdiq kur u përfshi në trazirat që kanë përfshirë vendin.

Kjo është vdekja e parë e konfirmuar pas shpërthimit të protestave antiqeveritare në Kubë, mes krizës së thellë ekonomike dhe rritjes së shpejtë të rasteve me COVID-19.