Këtë të hënë rreth 83 mijë studentë kanë nisur vitin e ri akademik 2018-2019 në Shqipëri. Ndërkohe sipas informacioneve bëhet me dije se ende nuk janë plotësuar kuotat nëpër universitete. Nga e gjithë kjo vlen të theksohet fakti se rreth 22 mijë studente ulen për herë të parë në auditore ndërkohë që 10 mijë pedagogë të jashtëm dhe të brendshëm kanë nisur gjithashtu punën në universitete.
Për të folur më shumë mbi nisjen e procesit mësimor në universitete, në studion e edicionit qëndror të lajmeve në Vizion Plus ka qenë Ministrja e Arsimit Lindita Nikolla.
Ministrja në fjalën e saj ka dhënë detaje mbi programet që rrezikojnë të mbyllen dhe programet e reja që janë hapur për tu ardhë në ndihmë të gjithë të rinjve.
“Është e vërtetë se 17 programe rrezikojnë të mbyllen, sepse për të mbyllur një program ligji parashef që në dy vite të njëpasnjëshme ai nuk ka student, por njëkohesisht janë 103 programe të reja të hapura nga të cilat 49 janë programe dy-vjeçare profesionale dhe vetëm në programet dy vjeçare profesionale kemi sot të regjistruar rreth 1400 studentë.”
Zonja ministre, sot nisi viti akademik ne universitetet e vendit. Krahas programeve te reja te studimit, a ka degë që janë mbyllur, një shqetësim që është bërë present dhe nga opozita?
Faleminderit që bëni present dhe shqetësimin e opozitës duhet thënë se është e vërtetë se janë 17 programe që rrezikojnë të mbyllen, sepse për të mbyllur një program ligji parashef që në dy vite të njëpasnjëshme ai nuk ka student, por njëkohesisht janë 103 programe të reja të hapura nga të cilat 49 janë programe dy-vjeçare profesionale dhe vetëm në programet dy vjeçare profesionale kemi sot të regjistruar rreth 1400 studentë. Ky është një lajm i mirë jo vetëm për sistemin tonë arsimor por për të gjithë tregun e punës, falë edhe angazhimit të institucioneve të arsimit të lartë që iu përgjigjën nga Ministria e Arsimit pikërisht për të mundësuar programe të tilla dy vjeçare, duke përfshirë universitetet publike dhe private. Një nxënës që nuk është i talentuar dhe e ka të pamundur të bëhet mjek, arkitekt, mësues etj, ne kemi detyrimin që tu krijojmë mundësinë për tu aftësuar në programe të tilla në mënyrë që ai të realizohet dhe të ketë sukses në tregun e punës. Ishte një lajm i mirë, i cili do të thellohet edhe më shumë në vitet që vijnë më shumë sesa investohesh në një program studimi që nuk ke aftësinë dhe harxhon kohë dhe buxhet nga familja, besoj se është më mirë të aftësohesh në një program që e kërkon tregu dhe ti e realizon në mënyrën më maksimale investimin tënd dhe të familjes.
Si do të vijojë procesi i akreditimit për universitetet që morën vlerësim minimal, përfshi këtu edhe universitetin më të madh, atë të Tiranës?
Viti i kaluar akademik filloi me një situatë të re për të gjithë insitucionet e arsimit të lartë në vendin tonë ishte procesi i akreditimit që nuk u bë nga agjensia jonë por nga një agjensi lidere enkas, agjensi britanike dhe ku rezultoi me kohëzgjatje të ndryshme, për të gjithë institucionet dhe besoj se opinioni publik është i qartë dhe që do të thotë se realizimi nga aktorët dhe nga të gjithë strukturat e arsimit të lartë tre komandimet e lënë në raportet specifike për secilin institucion riakreditimi periodik. Universiteti i Tiranës përkon me fundin e periudhës së lënë në akreditimin e parë unë e bëra me dije sot gjatë takimit në universitetin e Tiranës në Fakultetin e Histori- Filologjisë, ka përfunduar procesi i vlerësimit se sad he se si janë realizuar rekomandimet ka dhe një raport, i cili është monitoruar dhe draftuar edhe me praninë e ekspertëve britanike, presin vendimin në bordin e akreditimit, në cilësinë e ministres kamë ndjekur me shume shqetësim, seriozitet të gjithë këtë ecuri sepse universiteti i Tiranës është më i madhi por besoj edhe pjesa identitare në atë që është arsimi i lartë shqiptar. Besoj se do të kemi një situatë të përmirësuar sepse specialistët e agjensisë së akreditimit dhe sigurimit të cilësisë raportojnë se ka pasur një komunikim dhe ndërveprim krejt tjetër ashtu sikurse edhe raportim të realizimit të rekomandimeve të lëna.
Nga studimi që ministria ka bërë në terren është konstatuar një nivel thuajse “analfabetizmi” i nxënësve që mësonin në këto klasa. Çfarë do të bëni për ndryshimin e situatës ?
Ju falenderoj, se i gjithë aksioni jonë për klasat kolektive është përjetuar sikur nuk ka më klasa kolektive në vend nuk është kështu, është vetëm hapi i parë por ju keni të drejtë se në të gjithë këto vite nuk është foluar asnjëherë për to dhe pse ato kanë qenë prezente në sistemin tonë arsimor. Është viti i parë që ne e adresojmë këtë problem shqetësuar në sistemin tonë arsimor. Këto janë nxënës që nuk mund të sigurojnë as cilësinë e dijes dhe as nuk mund të socializohen me shokët e klasës dhe të shkollës. Klasat kolektive nuk janë tipar vetëm në sistemin tonë arsimor, duhet theksuar se ka edhe në Francë, ka edhe në Portugali, por ajo që ne adresojmë është marrja e këtyre modeleve më të mira rezultoi ky vit me hapin e parë që rezultoi me mbylljen e rreth 348 klasave kolektive duke transportuar nxënësit në shkolla të tjera dhe duke mundësuar që ato të vijojnë studimin në klasa normale. Përsa i përket testimit që prap ministria e Arsimit e ka realizuar në muajin tetor vitin e shkuar, ne kemi bërë një test për gjuhën dhe leximin për 33 mijë nxënës që studionin në klasa kolektive, ka rezultuar jo siç e thoni ju porn ë një masë deri në 6-7 mijë jot ë gjithë analfabetë por me vështirësi të caktuara duke u ndarë në fasha. Kemi realizuar një program ekstra vetëm me këta nxënës duke trajnuar më parë 1300 mësues që punonin me ta për ti nxjerrë nga prapambetja dhe shumë shpejt do të kemi matjen e dytë për tja bërë publike opinionit.
