Në Qafëzes të Kolonjës ka nisur ndërhyrja për riparimin e dëmeve nga tërmetet e qershorit me rindërtimin e 20 banesave.
Kryetari I bashkisë Erion Isai, kreu I Emergjencave Civile Haki Cako, dhe Prefekti I Qarkut Dhori Spirollari kanë ndjekur nga afër punimet për rikonstruksionin e 20 banesave me dëmtime të pjesëshme.
Në Qafëzes rezultojnë 3 shtëpi të shkatërruara nga tërmeti dhe 20 të tjera të pa banueshme nga dëmtimet e pjesëshme. Kryebashkiaku Erjon Isai ka deklaruar se do të riparohen në një një kohë të shkurtër këto dëme në mënyrë që banorët të kenë një strehë të tyre para fillimit të dimrit.
Në rrethin e Kolonjës u evidentuan gati 120 banesa të goditura nga tërmetet e qershorit. Pjesa më e madhe e tyre pësuan dëme më të vogla dhe të zotët e shtëpive do kompesohen financiarisht.
Qafëzesi ishte një nga tre fshatrat më të prekur nga tërmetet krahas Floqit në Korçë dhe Vidohovës në Devoll. Banorët e tij që u strehuan për emergjencë në shkollë e çadra kanë reaguar disa herë deri në protestë që të ndërhyet në riparimin e dëmeve.
