Në një kohë që PS dhe disa parti të tjera po vazhdojnë normalisht fushatën elektorale për zgjedhjet e 30 qershorit ndërsa PD-LSI dhe aleatet e tyre I kanë bojkotuar, KQZ po punon për realizimin e detyrave të veta në lidhje me realizimin e zgjedhjeve vendore.

Anëtari I këtij institucioni Bledar Skënderi, I propozuar në KQZ nga Partia Socialiste, nëpërmjet një statusi në facebook ka lajmëruar nisjen e punës nga një kompani në Slloveni për printimin e fletëve të votimit.

Skënderi thotë se në total janë 122 modele fletësh, 61 për kryetar dhe 61 për këshilla teksa shuma e shpenzuar për këtë process është afërsisht 600 milion lekë.

Anëtari I KQZ shkruan se për herë të parë është bërë verifikimi paraprak I kandidateve për kryetar dhe këshilla ( rreth 10 mije emra gjithsej) sa I takon procesit të dekriminalizimit, një sukses I rëndësishëm I KQZ, aq më tepër I bërë në kohë rekord.

 

Qendrimi i Bledar Skenderit ne facebook:

 

Komisioni Qëndror i Zgjedhjeve dje në mbrëmje përfundoi miratimin e tē gjitha fletëve të votimit për kryetar dhe këshillat lokale. Në total janë 122 fletë votimi, 61 për Kryetar dhe 61 për Keshilla. Nga sot ka filluar prodhimi dhe printimi i fletëve të votimit.Për herë të parë në zgjedhjet lokale është zbatuar ligji për dekriminalizimin. 9841 kandidatë për këshilltarë dhe 97 kandidatë për kryetarë u janë nënshtruar verifikimit paraprak. Formularët e dekriminalizimit dhe cv e kandidatëve (gati 100 mije faqe dokumentash) janë publikuar ne faqen tonë.Një falenderim për të gjithë stafin e KQZ-së që në luftë me kohën, duke punuar pa orar, bëri të mundur këtë proces. Një falenderim të veçantë dhe për Drejtorinë e Përgjithshme të Burgjeve, Sektorin e Gjendjes Gjyqësore për bashkëpunimin e shkëlqyer, pa ndihmën e tyre ky proces do ishte i pamundur!

Leave a Reply

Your email address will not be published.